幻想學園日記 - 臭豪

《幻想學園》中學回憶

講起《幻想學園，真係青春回憶殺。記得中一嗰陣自己一條友開始玩，每日放學返屋企第一件事就係開電腦 Mon 隻 Game。最深刻一定係聖誕節，隻 Game 嘅節日氣氛真係 Dope 到爆，每張地圖都佈置到超有 Feel。個時踏入「南極半島」張 圖，背景音樂會播起首〈Edelweiss〉，嗰種空靈嘅旋律真係神作，到依家都仲深刻記得，每次一聽返呢首歌，成個幻想學園嘅畫面就即刻出返哂嚟。

中間棄咗一陣坑，點知去到高 Form 嗰陣鋪癮又起，仲成功拉埋班中學同學一齊。因為我Game名叫「臭豪XD」，所以佢地全部一齊改埋晒啲咩「臭屁」、「臭蛋」嘅 名

嗰陣最熱血就係每日一齊喺度爆肝打口糧、衝周任。最癲係有次唔知打咩 Event，臭屁成功贏到好多隻超型嘅白馬座騎，結果我地全部人一人一齊！成班一齊騎住白馬喺條街度 Flex，嗰種單純嘅快樂，依家玩咩 3A 大作都搵唔返。

對我嚟講，佢唔單止係一隻 Game，更加係記錄住我由中一到高 Form同班 FD 癲過嘅青春回憶。